Prem Tumhi ne Kiya?


paristhiti ne patit sa jeevan kar diya,
aviralta se tab mera hriday bhar gaya,
phir bhi kehte ho ki prem tumhi ne kiye,

prastut kiya maine apne mun ko,
tumne bhi maana is jeevan ko,
phir bhi kehte ho ki prem tumhi ne kiye,

kal tak raatein roshan thi, sab mere saath the,
ab din mein saaye tak nahi, sirf kshanbhangur se aaghat hai,
phir bhi kehte ho ki sirf tumhe pyaar hai,

socha milkar baatein hongi, kuch tumse mulakatein hogi,
khali khali hriday se, amrit ki pyaas thi,
phir bhi kehte ho ki sirf tumhe pyaar ki aas thi?