Sunday, April 16, 2006

Din Bhar Chalta Rehta Hu

Din bhar chalta rehta hu main,
Din bhar chalta rehta hu.............

Main ruk ruk saanse leta hu,
Pal pal nischay karta hu,
Nirjiv to kuch bhi na tha,
Phir bhi aahein bharta hu.

Sabko samajh gaya tha main,
Kuch bhi rok saka na main,
halahal gatak gaya hu main,
phir bhi vichran karta hu.

Kankar ko patthar samjha,
patthar ko samjha main phool,
Sab kuch bikhar gaya kyun hai?
Kyun ho gai mujhse aisi bhool.

Suna suna sab kuch hai,
Par har taraf mera kuch hai,
Sab kuch boojh gaya tha main,
Phir bhi uljhan rakhta hu.

Badra kariya kariya hai,
Chanda bhi to neela hai,
Taarein jhilmil dekh na paaya main,
Phir bhi roshni takta hu.

Din bhar chalta rehta hu main,
Din bhar chalta rehta hu.
Jaane kab bhatkan hogi door,
Raatein kab roshan hogi bharpoor.

Ret ke teele pe tha baitha,
Marusthal ko apna samajh baitha,
Mutthi se to ret fisal gai,
Ab main taarein binta hu,
Ab main taarein binta hu.

Din Bhar Chalta rehta hu main,
Din bhar chalta rehta hu.

2 comments:

ashwani said...

Hindi hamaari maatrabhasha hai, lekin hum ise iska poorna sammaan nahi de paa rahe hai. Hamaari yuva pidhi ko chaahiye ki hindi saahitya ka adhik se adhik pathan- paathan kare. Aur saahitya ke nirantar vikas me apna mahatvpurna yogdaan de.
Isi kram me kavi ka yah prayaas atyant saraahneeya hai. Kavi ne bahut sundarta se apni bhawnaao ko shabdo me piroya hai. Chhayawaad se prerit yah kavita, kavi ke antarman me uth rahe vicharo ko ingit karti hai. Kavi ki lekhni ki dhaar bhi prabhawshaali hai. Atev, kavi ka bhavishya ujjawal hai.

maverick said...

Kya baat kya yeh tune hi likhi hai kya?
shobhit